Muh ke chhaale(Mouth Ulcer) pareshaan karrhe hai? Jaaniye treatment (Asaan Bhaasha me)

Hello Everyone! 

  Aaj hum yaha jaanenge Chhaalo ke baare me(Mouth Ulcers/Canker Sores), Yeh Ulcers kyu, hote hai, symptoms, inke hone ke kaarano(causes) ko samjhenge aur jaanenge isko treat kaise kiya jaye.

Toh bina deri kiye chaliye shuru karte hai.

Chhaale(Mouth Ulcers) kya hote hai?

Muh me hone wale chhaale aksar muhh ke andar ke gaal, jeebh par, gale me aur hotho par hojate hai. Yeh mouth ulcers Safed ya Lal Ghao ki tarah dikhai dete hai.Ya chhaale chhote bhi hosakte hai aur bade bhi ho sakte hai.

Yeh chhaale bahut se kaarano ke wajah se ho sakte hai, jaise ki zyda Masaledaar khaane se, Brush karte waqt muh me chot aane se, Vitamins ki kami se, Auto-immune disease ke karan, etc

Yeh chhaalo ka koi ilaj toh nhi hai but inse hone wale dard aur jalan ko kam kiya ja sakta hai kuch gharelu upchar, Medicines, Mouth wash aur Mouth gel ke dwara.

Muhh chhale aksar khud ba khud thik hojate hai.

Chhale(Mouth Ulcers) hone ke karan kya-kya hote hai?

- Pet ki kharabi ya kabz rehna.

- Hard Brush se brush karna aur galati se khane waqt gaal ka kat jana.

- Vitamin B-12, Folic Acid, Iron aur Zinc ki body me kami hona.

- Bahut zyda tala bhuna ya mirch masale wala khaana khaane se.

- Helicobacter Pilori jaise bacteria ke karan.

- Females(Mahilao) me Periods ke daoran hone wale hormonal changes ke karan.

- Kuch toothpaste ya mouthwash ke karan jisme Lauryl Sulfate maojud hota hai.

- Kuch logo me kisi specific food stuffs me sensitivity ya allergy dekhi jaati hai jaise Anda, Nuts, Teekha, ya Strawberry.

Inke alawa kuch bimariyo ke karan bhi muhh me chhaale padd jaate hai-

- agar lambe samay se kisi ko kabz hai toh use bar-bar yeh mouth ulcers hojate hai.

- Cron's Disease ya Ulcerative Colitis hone par

-Celiac Disease.

- Immunity power ka kamzor hojane par.

- HIV hone par, jisse rog se ladne ke chhamt kam hojati hai.

Muh ke Chhalo ke kuchh Gharelu upay jaane

1) Shahad(Honey) aur Mulethi ka paste banakar ise muhh ke chhalo me lagaye aur laar ko muh se bahar tapakne de.

2) Kattha(Black Catechu) ko honey aur mulethi kd sath milakar chhalo me lagaye, ya Ambrood ke mulayam patte me kattha ko milakar chabaye.

3) Nimbu paani me shahad milakar isse kulla kare.

4) Chhalo me jalan se rahat ke liye Glycerin me haldi powder milakar ise lagaye aur 20-25 minute chhorde iske baad kulla karle.

5) Tulse ke patte din me teen se chaar bar chabaye.

6)Shahad(Honey) aur ilaichi ka powder milkar chhalo me lagaye.

7) Chameli(Jasmine) ke patto ko piskar uske rass ko chhalo me lagaye.

Chaliye ab jaante hai kuchh Medicinal Treatment ke baare-

1) G-folvin tabs-

  [ Folic Acid (1.5 Mg) + Niacinamide (100 Mg) + Riboflavin / Vitamin B2 (10 Mg) ]

2) Becosules Capsules

    (Vitamin-B Complex and Vitamin C only)

3)Orasore Mouth Ulcer Gel:

Orasore Mouth Ulcer(Chaalo) ke dard aur jalan se rahat ke liye ek best gel formula hai.

Isme Lignocaine Hydrochloride, Choline Salicylate aur Benzalkonium Chloride paya jata hai.

Lignocaine Hydrochloride ek local anesthetic hai jo rapid numbing aur Cool Soothing provide karta hai.

Choline Salicylate help karta hai inflammation aur sunaj ko kam karta hai.

Benzalkonium Chloride ek antibiotic hai.

Is gel ko lagane ke 20-25 min kuchh na khaye aur na piye.

3) Kenacort Gel:

(TRIAMCINOLONE)

yeh gel bhi boht effective hai mouth ulcers ke liye.

4) Zytee Gel:

5) Smyle Gel:

Toh yaha tak humne jana Mouth Ulcers(Chhaalo) ke baare me bilkul layman language me.

More details will be added soon.

Till then keep reading and keep sharing this valuable Information to your loved ones and be healthy.

Thank You!