Pet ke Keede(Stomach/Intestinal Worm) se hai pareshan? Jaaniye iske kaaran aur Ilaj bade hi asaan Bhasha me.

Hello Everyone!

     Aaj hum Jaanenge Hamare Pet me ya Aant(intestine) me keede kaise hojate hai aur samjhenge inse bacha kaise jaye aur end me jaanenge In keedo ka Ilaj kaise kiya jaye.

Toh chaliye bina waqt gawaye shuru karte hai hamara aaj ka topic.

Pet me keeda(Stomach Worm)hona kya hota hai?

 Insani shareer me stomach ya intestine me keede ek type ka Parasite(parjeevi) hote hai. Yeh insano ke intestine me rehte hai waha ke ingredients ko khaate hai aur intestine ke layers se Khoon chuste hai. Yeh intestine ke parasites intestine(Aanto) se nutrition lete hai. Yeh keede intestine me zinda toh rehte hai par reproduction nahi kar paate.

Zaruri nahi hai ke jinke bhi pet me keede ho unhe iske symptoms dikhe hi, toh kuch ko symptoms dikhte hai jaise Thook bahut ana, Latrine ke raaste me Itching hona, pet me dard hona, pet bhaari lagna, gas banna ya Sharir ka ghatna etc.

Toh jinke pet me bhi keede hongi unhe ilaj ki zarurat hai jinhe zyda tar medicines ke zariye thik kiya jata hai.

Pet me keede hone ke Symptoms kya kya hote hai?

 - Pet me dard hona.

 - Dast(Diarrhea) lagna.

 - Body ka growth achanak kam hona.

 - Thakaan mehsus hona.

 - Ulti(Vomitting) lagna.

 - Pet Fulna ya Gas banna.

 - Keede hone ke karan Pechis hona.(Pechis tab hota hai jab keede hone ke karan diarrhea/dissentry lagne lage ya dast me khoon aane lage).

 - Latrine ke raste me Khujlahat(Itching).

 - Bathroom karne waqt keede nikalna.

 

Pet ke Keedo(Stomach Worm) ke Kuchh kaaran dekhte hai?

 - Dooshit(Polluted) paani peena.

 - Dooshit(Polluted) mitti kha lena.

 - Lack of Sanitization(Saaf Safai ka khyal na rakhna).

 - Kuchh Dooshit chize khalena jinke through parasites(parjivi) apke pet me chal jaate hai aur fir hame keede kab problem aajata hai.

- kisi aisi satah ko chhoona jinpar in parsites ke eggs(ande) hote hai aur fir waha se haath hatane ke baaf haath ko na dhona.

- Adult logo me Weak immune system ke karan bhi keede ka problem hojata hai.

- Low Socio-economic class ke logo ko polluted water peene se ya kuch khaane se unhe yeh problem ata hai.

- Paaltu jaanwaro ke contact me rehne se.

Pet ke keedo(Stomach Worm) se bachne ke kuch preventions

- Khaana khaane se pehle haath ko ache se Dhoye(Dettol ya Kisi ache Soap ya Handwash se)

- Khule me banne wale khaane se acha hai ghar me banne wala khaana khaye.

-Peene ke liye saaf Paani ka use kare. Nal ke paani ko boil karke thanda karle fir piye.

- Polluted aur kuch din rakha hua khaana na khaye.

- Zyda Meetha ya packed Food kam khaye.

- Ache se paka hua aur swachh khaana khaye 

- Kachchi sabjiya ya kachcha maans na khaye. use thik se paka gala kar fir khaye.

- Latrine ke raste me khujli ya use kharochne se bache.

#Chaliye ab Jaante hai Kuch best medicines ke baare me jo Pet ya intestine ke keedo ko kharam karne ke liye use me liya jata hai-

1)Zentel tabs:

(Albendazole 400mg) 

yeh ek anti-parasitic medicine hai jo ki parasitic worm infection ke liye use me liya jata hai. Yeh worms ko kill karta hai aur unhe failne se rokta hai.

Yeh single dose form me ata hai.

Yeh tablets form me hai ise nigalne se pehle puri tarah chabale.

2)Noworm tabs:

  (Albendazole 400mg)

Yeh bhi ek Anti-parasitic Medicine hai jo ki parasitic worm infection ko treat ke liye use me liya jata hai.

Yeh chewable form hai, Iska bhi single dose hota hai.

3)Bandy tabs:

  (Albendazole 400mg)

Yeh bhi ek Anti-parasitic medicine hai same as Zentel and Noworm tabs.

3)Bandy Plus tabs:

   (Albendazole 400mg + Ivermectin 6mg)

Yeh ek combination medicine hai jo Parasites aur Worm infections ko treat karne ke liye use me ata hai.

Yeh Upar ke teen(Zentel, Noworm and Bandy) se zyda effective hai.

Kyuki isme two medicine together work karte hai.(Ivermectin aur Albendazole)

Ivermectin worms ke muscles aur nerve cells ko bind karta hai jis karan yeh paralyse aur death kar jaate hai.

Albendazole Worms ko Sugar(Glucose) ko absorb karne se rokte hai taaki inhe energy na mile aur yeh marr jaye.

Toh sath me yeh effectively Parasites aur worm infection ko treat karte hai.

Toh yaha tak humne thik se samajh liya Intestinal/Stomach Worms(Pet ke keede) ke baare me aur jaana kuch best medicines ke baare jo Worms ko treat karne me bahut beneficial hai.

So, keep reading and sharing these valuable knowledge to your loved ones and let them get advantage of this article too.

Till then, 

Thank You!